DESCUBRIR O TALENTO OCULTO
Foi o último día de ciencias cando na aula falamos da Teoría das intelixencias múltiples de Gardner, identificamos cáles eran e con cál ou cáles nos identificabamos. Onde diferenciamos oito tipos de intelixencias:
Intelixencia lingüística:
para comunicar, para escribir, para falar en público.
Intelixencia lóxico-matemática:
para resolver problemas numéricos.
Intelixencia espacial:
para deseñar bocetos, maquetas.
Intelixencia musical:
para cantar, para tocar un instrumento, para compoñer música.
Intelixencia corporal e cinestésica:
para bailar, para actuar, para facer deporte.
Intelixencia intrapersoal:
para un maior autocoñecemento.
Intelixencia interpersoal:
para relacionarnos con outras persoas.
Intelixencia naturalista:
para observar plantas e animais, para establecer relacións entre os elementos da natureza.
Desde as escolas faise necesario que mestras e mestres favorezcamos o desenvolvemento da autonomía e autoestima do noso alumnado, deste xeito, axudaremos na busca dese talento oculto.
Moi orgullosa deste grupo de 3º que tivo tan boa evolución ao longo do curso e sempre acolleu con entusiasmo as ideas, propostas e retos que cada trimestre se foron lanzando.
A pesar das dificultades iniciais foi un bonito camiño o deste curso 22/23, que construímos pouco a pouco baixo o noso humilde Proxecto de Aula 'Bibliotecas para un mundo mellor'.
E que sempre haxa espazo para un sorriso, un aplauso para a compañeira ou compañeiro, unha ola de alegría, un terremoto da mellor enerxía e un tsunami de bo rollo.
Ata sempre, sodes maxia!
A mestra Patri de Educación Física
